ജീവിതം

ജീവിതം
………………

നിന്റെ ലോകങ്ങൾ
എന്റെ ലോകങ്ങൾ
നമ്മുടേതില്ല ലോകങ്ങൾ
നിന്റെ വാഴ് വുകൾ
എന്റെ വാഴ് വുകൾ
നമ്മുടേതില്ല വാഴ് വുകൾ
നിന്റെ നേരങ്ങൾ
എന്റെ നേരങ്ങൾ
നമ്മുടേതില്ല നേരങ്ങൾ
വീണ പൂവിനും ,വാണപൂവിനും
വേരിലൂടല്ലേ നീർവഴി…
ചാഞ്ഞകൊമ്പിനും, നീണ്ടകൊമ്പിനും
വേരിലൂടല്ലേ, നേർവഴി
പാരിലാകെ പരന്ന കൂരിരുൾ
സൂര്യനെത്തുംവരെയുള്ളൂ ..
മനസ്സിലാകെ, പരന്ന കൂരിരുൾ
നീയുമെത്തുംവരേയുള്ളൂ …
ഉണ്മ തോന്നിക്കും ,നിൻ കണ്ണിൽ ഞാൻ കണ്ടു..
വെണ്മ തോന്നിക്കും എന്നിടം
ജന്മ കാലം കൊഴിഞ്ഞു പോയാലും
എന്നന്തരാത്മാവിൻ ,ജീവനേ
എന്നിൽ പാതി നീ
നിന്നിൽ പാതി ഞാൻ
ജന്മാന്തകാലസുഗന്ധമേ …


കണ്ണൻ സിദ്ധാർത്ഥ്
02/05/26